اله دونیا دا بیر PHP وار ؟

اله دونیادا بیر PHP وار ؟

آیری بیر دیل یوخده ؟ نیه گرم هاممی فقط اله بو php اوسته زوم الیه ؟

بیلیسیز قویون اولین بوردان باشلییم ، ایران بیر دالیا قالمیش یرده اوندا که هچ شکیمیز یوخده دوزده ؟

ملتین چوخه زبان باشارمیر ، چوخه اله دییر بلکه فیس بوک کیمین یکه بیر کمپانی اله بوتون php دیلینده یازیلیب ، چوخه سی وب دن اله بیر وردپرسی اورگشیب

آخه دییر طرفه دییرلرکی باشاریسان اتوماسیون یازاسان ؟

دییر والله هیه وردپرس دن وورا بیللم فقط منده plugin یوخده

اینده ایران داکی بوتون برنامه نویس لر بوجور اولوب دا دوروب دوزونه باخسان هچ چوخوسی بیلمیر برنامه یازماخ یانی نمنه ، بیر اولکه ده کی سندن ۵۰ مین آلیب بیلَیَن بیر دانا وب سایت دان هاست ورلر ایستیز نه اولا ؟ حله بیر یاندان دا گتیردیلر انگلیسی دیلین مدرسه لرده بو ابتدایی اوشاغ لارا گوتوردولر ،نیه ؟ ددی لر والله اوشاغ اوز آنا دیلین بیلمز اوندا ، حله ایشیم یوخ که بو اولکه ده چوخلی آدامین آنا دیلی هچ فارسی دییر و اولارا ربطی یوخده اما زبان انگلیسی نقدر که ضعیف اولسا اله اوقدر ده بیز دالی قالاجاییخ ، چون اوزویوز بیلیسیز کی بیلیم دونیاسی فارسی دییل انگلیسی ده و ایستییسن بیلیمین فول اولا دالا قالمیاسان گرک انگلیسی دیلین فول اورگشسن ، اله بو انگلیسی دیلی اوزه بیردنه اصلی علت ده که بو اولکه ده برنامه نویس ختم اولور سی شارپیدان php دیلینه ، دمیرم بیرز زرنگ اولا جاوانی دا اورگشه .

ایستیز بو قولای اکونمی(اقتصاد) دوروموندا ( وضعینده) بازاردان دالا قالمیاسیز بیرده که یاخچی پروگرامر اولاسیز گرک نجور اولسا انگلیسی دیلین فول اورگنسیز.

php دن گددیخ انگلیسی یه دا چووخ اوزاخ اولمیاخ ، باخین ایراندا چون دوزملی پروگرامر تاپیلمیر اونا گورک اگر بیری شرکتدن چیخسا چتینده اونون یرینه آیری آدامی تاپالار اوزوده ده مخصوصا آیری دیلده ایشلیه اما اوکه چوخده بو پی اچ پیه کد وورانده اما بو اصلاً دلیل اولماز کی فقط اله بو php اوسته زوم الییسیز گرک آیری دیللری ده اورگنسیز ، اینده فانکشنال یاواش یاواش گلیر oop یرینی توتا و گرک اونی دا اورگنسیز ، حله بو جاوا اسکریپت دن ایشیم یوخ که کوچه لر یتیمی نه تای اولوب اله گونده دییشلنیر که هچ اوزوده آدامین اعصابی اوسته یول گدیر.

دونیا فقط بو میراتا قالمیش php دیلینه خلاصه اولمویوب وقت قویون او بیری دیللری ده اورگنین ، چوخلی گوزل گوزل دیللر گلیب که چوخدا قوجلی و قاعده لی دیلدیلر ، ایستسز اییشیز دوز اولا حرفه ای اولاسیز او پیس اوشاخلار کیمین یاپیشمایین php دن گدین آراشتیرین آیری دیللری اورگنین

مثلا اله بو پایتون دیلی اوزه بی دریاده باخ داده کاوی پردازش متن هک وب و … یعنی حتی باش آغری داواسینا دا بیر علاجی وار

بیدنه ده گوزل وبه فریم ورکی وار آده جنگوده ، ایشلسز بیلرسیز کی اینده یه کیمین اگر فقط php دن کد ووروبسوز دونیا دا ان بویوک اشتباهی الییبسیز ، اوندان سونرا پایتونی اورگشن الی چوخ چوخ یرلرده آچیخ اولور اما php  اله وب بولومینه(قسمتینه) محدود اولوب

Ruby دیه بیر آیری دیل وار که بو دیلین سینتاکسی دوغوردان گوزل  ده ، یعنی آدام وورولور بونون فقط گوزل سینتاکسینا ، بیلمیرم Ruby On Rails اشیدیبسیز یا یوخ اما اودا روبی اوچون وب فریم ورکی ده ، بیر وبلاگی اگر پی اچ پی دیلینده یا حتی فریم ورکلاریندان بیر گونه یازساز روبی آن ریلز دن ۱۵ دقیقه کوکون یازارسیز ، چوخلی دا gem آدیندا بیر شی وار که قاباخدان حاضر اولوبدور و سیز فقط نصب الییب ایشلدجخسیز

اگر ده که حرفه ای دیللر آختارسیز و ایستیز کی ایشیز لاب دوز اولا او خفن پروگرامرلردن اولاسیز گدین

Elixir ,Rust,Clojure,Scala

بولارین بیرین اورگنین قول دا وریرم اصلا پشمان اولماسسیز ،بولارا ایش ایراندا آز تاپیلیر اما بیر سیزی حرفه ای الییلر بیر باخیشیییزه اچیللار بیرده کی ایستیز ایراندان گدسیز اوردا چوخلی دردییزه دییجخ

یاشایین دوستلار دعا الیین من بی وقتیم آچیلا بو فالکونا بیر اوگرتیم کورسی قویام سیزه

2 thoughts on “اله دونیا دا بیر PHP وار ؟

    • عزیز قوزوم اوسته چشم گونده وقت قویوب هرسیندن یازارم ، حتی وقت اولسا بو تزه ایشی قوتارسام آموزشینده قویارام ، قوی گوروم بو هفته الیه بیلسم کوکوندن یازا بیلرم

دیدگاه‌تان را بنویسید:

19 − هفده =